English -
ᐃᓄᒃᑎᑐᑦ
ᓴᙱᓂᖅᓴᒥᒃ ᓄᓇᕘᒥ ᐃᓕᓐᓂᐊᖅᑐᓕᕆᔾᔪᑕᐅᓂᐊᖅᑐᒥᒃ ᐋᖅᑭᒃᓱᐃᖃᑕᐅᔪᒪᓇᔭᖅᐲᑦ?
ᒪᓕᒐᓕᐅᖅᑎ
ᑖᓂᐅᓪ ᓯᐅᑕᒃ, ᒥᓂᔅᑕ ᐱᓕᕆᐊᒃᓴᓕᒃ, ᓄᓇᕘᒥ ᓯᓚᑦᑐᖅᓴᕐᕕᖕᒥ, ᑭᒃᑯᑐᐃᓐᓇᓂᒃ ᕿᑎᕐᒥᐅᓂᒃ, ᑭᕙᓪᓕᕐᒥᐅᓂᒃ ᕿᑭᖅᑕᓂᓗ
ᑲᑎᒪᔨᙳᕈᒪᓇᔭᖅᑐᓂᒃ ᓯᓚᑦᑐᖅᓴᕐᕕᐅᑉ ᑲᑎᒪᔨᖏᓐᓄᑦ ᓄᓇᕘᒥ ᓯᓚᑦᑐᖅᓴᕐᕕᖕᒧᑦ ᓇᓗᓇᐃᖅᓯᖁᔨᓕᖅᐳᖅ. ᓄᓇᕘᒥ
ᐃᓕᓐᓂᐊᒃᑲᓐᓂᕈᒪᔪᓄᑦ ᐃᓕᓐᓂᐊᕐᕕᑐᐊᑦᑎᐊᖑᓪᓗᓂ, ᐅᑭᐅᖅᑕᖅᑐᒥ ᓯᓚᑦᑐᖅᓴᕐᕕᒃ ᐱᓕᕆᐊᒃᓴᖃᓪᓗᐊᑕᖅᑎᑕᐅᕗᑦ ᓄᓇᕘᒥᐅᓂᒃ
ᐃᓐᓇᕐᓂᒃ ᐃᓕᓐᓂᐊᒃᑲᓐᓂᕈᒪᔪᓂᒃ ᐱᔨᑦᑎᕋᖅᑕᐅᔭᕆᐊᓕᖕᓂᓗ.
ᐱᓕᕆᐊᒃᓴᖃᓪᓗᐊᑕᖅᐳᒍᑦ ᐃᓕᓐᓂᐊᖅᑎᑦᑎᓂᕐᒥᒃ ᐃᖅᑲᓇᐃᔮᖅᑖᕈᒪᔪᓂᒃ. ᐅᑭᐅᖅᑕᖅᑐᒥ ᓯᓚᑦᑐᖅᓴᕐᕕᒃ ᐊᔾᔨᒌᙱᑦᑐᓂᒃ
ᑲᒪᒋᔭᖃᖃᑦᑕᖅᐳᑦ ᐃᓐᓇᕐᓂᒃ ᐃᓕᓐᓂᐊᖅᑎᑦᑎᕙᒃᖢᑎᒃ ᐃᖅᑲᓇᐃᔭᕆᐅᖅᓴᑎᑦᑎᕙᒃᖢᑎᒡᓗ, ᐃᖅᑲᓇᐃᔮᖅᑖᕐᓂᕐᒧᑦ
ᓇᓗᓇᐃᒃᑯᑕᖅᑖᖅᑎᑦᑎᕙᒃᖢᑎᒃ ᐃᓕᓴᕆᔭᐅᔾᔪᑎᑖᖅᑎᑦᑎᕙᒃᖢᑎᒡᓗ ᓯᓚᑦᑐᖅᓴᕐᕕᒡᔪᐊᕐᒥᓗ ᐸᐃᑉᐹᖅᑖᖅᑎᑦᑎᕙᒃᖢᑎᒃ
ᐃᓕᓐᓂᐊᕐᓂᕐᒥᒃ ᐋᓐᓂᐊᓯᐅᖅᑎᐅᓂᕐᒥᓪᓗ. ᑲᑎᒪᔩᑦ ᑎᓴᒪᓂᒃ ᐸᕐᓇᐅᑎᒃᓴᓄᑦ ᑐᕌᒐᕆᔭᐅᓂᐊᖅᑐᓂᒃ ᐋᖅᑭᒃᓱᐃᓚᐅᖅᐳᑦ
ᓯᓚᑦᑐᖅᓴᕐᕕᖕᒧᑦ ᑐᕌᖓᔪᓂᒃ: ᐋᖅᑭᒋᐊᖅᑎᑦᑎᓪᓗᑎᒃ ᓄᓇᓕᖕᓂ ᐃᓕᓐᓂᐊᖅᑎᑦᑎᕙᒃᑐᓂᒃ ᐱᔨᑦᑎᕋᐅᑎᓂᓪᓗ, ᐋᖅᑭᒃᓯᓪᓗᑎᒃ
ᐃᓕᖅᑯᓯᕆᔭᐅᔪᒧᑦ ᑭᐅᔾᔪᑕᐅᑦᑎᐊᕈᓐᓇᖅᑐᒥᒃ ᓯᓚᑦᑐᖅᓴᕐᕕᖕᒥ, ᐱᔭᕇᖅᓯᔪᓐᓇᕐᓂᕐᒥᒃ ᐃᓕᓐᓂᐊᖅᑎᑦᑎᔾᔪᑎᑦᑎᐊᕙᖕᓂᒃ, ᐊᒻᒪ
ᓯᓚᑦᑐᖅᓴᕐᕖᑦ ᐋᖅᑭᒃᓯᒪᓂᖏᑦ ᐊᐅᓚᓂᕆᔭᖏᓪᓗ ᐱᒋᐊᒃᑲᓐᓂᖅᑎᓪᓗᒋᑦ.
ᑭᒃᑯᑐᐃᓐᓇᑦ
ᑲᑎᒪᔨᙳᕋᓱᒍᒪᔪᑦ ᐱᓕᕆᖃᑦᑕᖅᓯᒪᓂᑰᔭᕆᐊᖃᖅᐳᑦ ᓇᖕᒥᓂᕆᔭᐅᔪᑦ ᐊᐅᓚᓂᕆᔭᖏᓐᓂᒃ, ᓄᓇᓕᖕᓂ ᓯᕗᓕᐅᖅᑎᐅᓂᕐᒧᑦ,
ᐃᓕᓐᓂᐊᕐᓂᕐᒥᒃ, ᐊᒻᒪ ᐃᓄᐃᑦ ᐱᒻᒪᕆᐅᒋᔭᖏᓐᓂᒃ. ᑲᑎᒪᔨᒋᔭᐅᔪᑦ ᐊᕕᒃᑐᖅᓯᒪᔪᓂ ᑲᑎᒪᖃᑕᐅᖃᑦᑕᕐᓂᐊᖅᐳᑦ ᐊᕐᕌᒍ
ᐱᖓᓱᐃᕐᓗᒍ ᐅᖃᓘᑎᒃᑯᓪᓗ ᑲᑎᒪᖃᑦᑕᕐᓗᑎᒃ ᑲᑎᒪᔾᔪᓯᐊᖅᑖᕈᑎᒋᕙᒡᓗᓂᒋᑦ. ᓯᓚᑦᑐᖅᓴᕐᕕᖕᒧᑦ ᑲᑎᒪᔨᒋᔭᐅᔪᑦ ᒥᓂᔅᑕᒧᑦ
ᓯᓚᑦᑐᖅᓴᕐᕕᖕᒧᒃ ᐱᓕᕆᐊᒃᓴᓕᖕᒧᑦ ᐊᕐᕌᒍᓄᑦ ᐱᖓᓱᓄᑦ ᑎᓕᔭᐅᖃᑦᑕᖅᐳᑦ.
ᐃᓄᐃᑦ
ᑲᑎᒪᔨᒃᓴᙳᕈᒪᓇᔭᖅᑐᑦ ᐱᓇᔫᑎᒥᓂᒃ ᓇᒃᓯᐅᔾᔨᔭᕆᐊᖃᖅᐳᑦ ᑲᑎᒪᔨᙳᕈᒪᔾᔪᑎᒥᓂᒃ ᓇᓗᓇᐃᖅᓯᓯᒪᔪᒥᒃ ᓯᓚᑦᑐᖅᓴᕐᕕᐅᑉ
ᑲᑎᒪᔨᖏᓐᓄᑦ. ᐱᓇᔫᑎᒋᔭᐅᔪᑦ ᐊᒻᒪ ᐃᖅᑲᓇᐃᔮᕆᖃᑦᑕᖅᓯᒪᔭᖏᓐᓂ ᐅᓂᒃᑳᖅᓯᒪᔪᓂᒃ ᓇᒃᓯᐅᔾᔨᔭᕆᐊᖃᖅᐳᑦ ᑎᓴᒻᐸ 7,
2009-ᖑᓚᐅᙱᓐᓂᖓᓂ.
ᐅᕗᖓ
ᓇᒃᓯᐅᑎᓗᒋᑦ ᐱᓇᔪᒍᑎᒋᔭᓯ:
ᑖᓂᐅᓪ ᕚᓐᑐᒥᐅᓚᓐ
President, Nunavut Arctic College
P.O. Box 600, Iqaluit Nunavut
X0A 0H0
ᖃᐅᔨᒋᐊᒃᑲᓐᓂᕈᓐᓇᖅᐳᑎᑦ: (867) 222-2078 ᐅᕝᕙᓘᓐᓃᑦ
dvandermeulen@arcticcollege.ca
ᓱᒃᑲᔪᒃᑯᑦ: (867) 975-2549